ZRA in Public Curfew Lakhia
Lamka, 18 Sep 2008:
ZRO/ZRA apan thu kizadanin Lamka khopi leh a kiim ah Sept 15, 2008 akipan nitak dak 6:30 apan zingsang dak 5:30 kikal public curfew a puan uh zan akipan in lakhia uh chihthu om hi.
|
|
NTBC te inverter kigu
Lamka, 18 Sep 2008:
Red Cross Road a New Testament Baptist Church (NTBC) te inverter zanhal nitakin guta pawlkhat in guman uh a, a mukha leh theikhate’n theisak dingin H. Douchin, Secy, NTBC in ngetna bawl hi.
|
| Environment Awareness Campaign omding |
|
Manipur Govt. nuai a Youth Affairs and Sports Dept. te saina leh CDSU intekna in Mata Mualtam khua ah Sep 19-20, 2008 in Environment Awareness Campaign omding hi. Huai ah Dr. Bogen Singh, Environment & Ecology Dept., Imphal, T. Vivek Sharma, Data Analyst, Evironment & Ecology Imphal leh Dr. Lalzagou Neihsial, Sr. Lecturer, CCPur Govt. College, in thupi tuamtuam pansan in sinsak ding uh a, Sep 20, 2008 in Khuga Dam site ah DC makaih in singnou suanna leng nei ding uhi.
|
Sunna
Pauneilun (35) s/o Upa Kapthang of Mualkot, zan zingsang in awklumsa a muhkhiak hi a, zanmah in Mualkot ah kivui hi.
Thangsangthuom (25) s/o Kaitinlien of Game Village (Imphal) zanhal nitakin damlou in si a, zanin kivui hi.
Kimngainiang w/o Khaineithang of Tribal Colony, Imphal zan zingsang in damlou in si a, zanmah in kivui hi.
Posted on 18 Sep 2008 by Ed
|
|
zogam.net mail
| Get a free 5GB Mail account @zogam.net |
For Subscription and enquiries, contact us at: zd_mag@yahoo.co.in
|
