Capital Punishment piakthu puang
Lamka, 28 Oct 2008:
CL Kuki, Wing Commander, Wing No. VI, KNO/KNA apan thusuah kimu in a taklat danin women cell a cadre Mirss Domneithem @ Thethem Haokip d/o TH. Hojkhojang of Najang Village, Churachandpur, apaisa Oct 20, 2008 in Capital Punishment piakthu puang in amah KNA Wing No. VI (Finance Section) a Accountant Semlai party fund diklou taka azat banah party thak bawlkhiak atupziak hi'n puang hi. KNO/KNA paidan akalh ziaka capital punishment piak ahihthu a taklat banah KNO a zopma inleng UNLF leh UKLF nnasepna ah leng kigolh kha hi a, puang kawmin amah toh kituak bangin a tunga thiltung hi'n leng taklang hi.
|
|
Omna kitheilou
Lamka, 28 Oct 2008:
Zoukhanlian (41) s/o Liankhomang of Lungthul (L) paisa Oct 23, 2008 in akhua ua pan pawtkhia anung-ama kithei nawnlou hi'n kigen hi. Thu kizadan in Zoukhanlian in asungkuante kiangah kel (goat) kaiding ahihdan gen a, Lamka lam ah zuakding ahihthu zasak a, himahleh tuni tan a inn uh tungkik lou in a omna mun leng theih hi tuanlou hi'n thutut kingah hi.
|
| Khuga Dam pump house kangse manlou in hunkhe man |
|
Khuga Dam Neglected Contractors' Forum (KNCF) pawlin Oct 24, 2008 nitaklam dak 5 vel a Khuga Dam power house (generator koihna mun) ahal tumnung un zan nitaklam in Khuga Pum House mei in va hal nawn uh a, building khatpen kangzek man a, building dang khat pen ahihleh bangmah chiman lou in Police te'n va hunkhe man uhi. Thiltung toh kisai in KNCF in thusuah bawl ngal in, Govt. in angaihsak louh ziak in kiphinna uang zosem laiding ahi chi uhi.
Zan nitaklam dak 5:30 vela Mata apan gamlalou Saipum zotna lampi a lei (bridge) kiang a Khuga Pump house mei in kaang chih thu media te'n a zak un delh ngal ua, building nih omte lakah khat pen mei in kaang zekman a, building khat pen halsiat dia mansa in om a, khawnvaktui kibuak kawtin, saiip tamtak thautui a buah kawtsa muhding in om hi. Lamka Police leh Fire Brigade te'n leng kintak in delh ngal ua, building kangse manlou in hunkhia ua, tuazoh in kileh kiknawn uhi.
KNCF in Govt. mohsakthu puangin "Work Order issue ngal a, tuni tan liability pending bill omte a ngaihsak louh uh lamdang ahi" chi uhi. Work Order issue ngal a, bill piakding lam Govt. in bangziak a phawklou hiam chih genkawm in Contractor leh Sub-Contractor te'n leiba tamtak neihloh in tamtak te' innkuan khosak na buaizou mahmah ahihdan taklang uhi.
|
Suunna
Nemkim (27) d/o H. Nengzalam, a pa toh Khangbor, Jiribam, Tipaimukh Sub-Diviion a zinna ua khosikpi in si a, zanmah in huai mun ah kivui hi.
Posted on 28 Oct 2008 by Ed
|
|
zogam.net mail
| Get a free 5GB Mail account @zogam.net |
For Subscription and enquiries, contact us at: zd_mag@yahoo.co.in
|
